آ گُلرنگ ءَ جّگر سوتک ءُ پُرے کُت دِل ءِ اُپارگ ءَ دِل اَنگرے کُت مجَن تھنائی ءِ تُژن ءُ شِگّان ءَ کجا اِے متلبی بیـلاں بَرے کُت نہ کُت ماه آں منی شپ روشنائی گَنوک ءَ من کہ ماہ اوں دِلبرے کُت منی آرسانی کَدر ءَ گُل بہ زانتے گُلیں مِسکیں ڈگار ءَ جمبرے کُت ملام ءُ بے گناہ ءُ بے مّیاراں چہ مِھرانی شار ءَ بے دَرے کُت دلوں شُشتَگ مُسلمانی سواب ءَ من ءَ مُلاے وازاں کاپِرے کُت دِل درمان منی ماہ ءِ لِکاں اِنت ترا رند اِے جَنکاں شائرے کُت رند بلوچ

منی ماتی منی دِلبنــــــــد ءُ ساہ اَت منی چمّـــانی روک پَمن چوں ماہ اَت دِل ءِ آرام گُشـــــــــے باگ ءِ بھار اَت آ اَنچیــــــــں مِھربان مِھرانی جاہ اَت چوں شاہ ءِ دَروَر اِنت آ بـــــے سَتاے دَل ءِ باگ ءَ منی گاں آ چـوں شاہ اَت مبات ءَ بـــــــــــے ترا من اِے جہان ءَ منی جان ءُ جہان پَمن چوں ساہ اَت نہ دیست من تئ وڈے گَموار جہان ءَ واراں سَوگِنــــــــــــد آ دُنیا آں تاہ اَت داں ھَستاں رنـــــــد تو کَدروں نزانت ھُــــدا آں سِست چہ تو آ تئ راہ اَت رند بلوچ